Monday, September 10, 2012

അമ്മയുടെ സ്നേഹം



മഹാനഗര വീഥികളില്‍ ഏകനായ് 
സ്നേഹത്തെയും തേടി ഞാന്‍ അലഞ്ഞു  
കണ്ണുനീര്‍ വറ്റിയ കണ്ണുകളില്‍ 
ഞാന്‍ സ്നേഹത്തെ തേടി പക്ഷെ 
കണ്ടത് വിശപ്പിന്റെ വേദനകള്‍ മാത്രം 
മദ്യ ലഹരി നുരയുന്ന കണ്ണുകളില്‍ 
ഞാന്‍ തേടി നോക്കി 
കണ്ടത് അഴലിന്റെ കറുപ്പ് മാത്രം 
കാഷായ വസ്ട്രധാരിയുടെ 
കണ്ണുകളില്‍ ഞാന്‍ അതിനെ തേടി 
കണ്ടത് ഭക്തിയുടെ ഭയം മാത്രം 
ആഡംബര കാറില്‍ പായുന്ന 
മന്ത്രിയുടെ കണ്ണിലും കണ്ടില്ല സ്നേഹം  
വെട്ടിപിടിക്കാന്‍ ഓടും മനുഷ്യന്റെ 
കണ്ണില്‍ ഞാന്‍ തേടി സ്നേഹത്തെ 
കണ്ടത് വെറും മോഹഭംഗങ്ങള്‍  മാത്രം 
ഒരുപാട് കഥകള്‍ പറയുന്ന 
പ്രണയിനിയുടെ കണ്ണിലും കണ്ടില്ലതിനെ  
കണ്ടത് പരിഭവം മാത്രം 
ചരിത്ര പഥത്തിലെ ധീരനായ 
കര്‍ണന്റെ കണ്ണിലും തേടി 
കണ്ടത് നഷ്ട ബാല്യത്തിന്റെ ദുഖം 
തോക്കുമായി നില്‍ക്കുന്ന തീവ്രവാദിയുടെ 
കണ്ണില്‍ ഞാന്‍ തേടി 
കണ്ടത് പകയുടെ കനലുകള്‍ മാത്രം 
ഒടുവില്‍ തളര്‍ന്നു ഞാന്‍ വീട്ടിലെത്തി 
അമ്മയെ നോക്കി 
ആ കണ്ണില്‍ ഞാന്‍ കണ്ടു 
സ്നേഹത്തിന്‍ ദീപം 
ഒരിക്കലും അണയാത്ത 
വാത്സല്യത്തിന്റെ ദീപം 


Tuesday, September 4, 2012

നിനക്കായ്‌ മാത്രം



പറയാന്‍ മറന്ന വാക്കുകളില്‍ 
എവിടെയോ നിന്നോടുള്ള പ്രണയം 
ഒളിച്ചിരിപ്പുണ്ടായിരുന്നു പക്ഷെ 
നീ ഒരിക്കലും അതിനെ കണ്ടതേയില്ല 
ഓര്‍മകള്‍ക്ക് മുകളില്‍ മറവിയുടെ
മഷി മറഞ്ഞപ്പോള്‍ പോലും 
നിന്റെ പേര് വ്യക്തമായി കാണാമായിരുന്നു 
രാത്രികള്‍ നിന്നെ എന്നും എന്റെ 
സ്വപ്നങ്ങളില്‍ കൊണ്ടുവന്നിരുന്നു 
പക്ഷെ എനിക്കൊരിക്കലും നിന്റെ
സ്വപ്നങ്ങളുടെ പടി കടക്കാന്‍ കഴിഞ്ഞില്ല 
എന്റെ പാട്ടുകളില്‍ നീ എന്നും നിറഞ്ഞിരുന്നു 
പക്ഷെ ആ പാട്ടുകള്‍ ഒരിക്കലും 
നിന്റെ കാതുകളെ തഴുകിയിട്ടില്ല
പറയാതെ പോയ പ്രണയത്തിനും 
അത് അറിയാതെ പോയ നിനക്കും 
മാത്രമായ് ഈ വരികള്‍ കുറിച്ചിടട്ടെ