ഒരു തിരിച്ചറിവിൻറെ ഓർമയ്ക്ക്

എനിക്ക് മുൻപേ മറ്റാരോ
അവൾക്കു വിരഹം സമ്മാനിച്ചു
പതിരില്ലാത്ത എന്റെ പ്രണയത്തെ
അവൾ കാപട്യം എന്ന് വിളിക്കുന്നു

ഒരു നാഗരികന്റെ സ്വപ്നം

പുനർജ്ജന്മം ഉണ്ടെങ്കിൽ പ്രിയേ
നമുക്ക് ദേശാടനകിളികൾ ആവണം
മഞ്ഞും മഴയും വെയിലുമെറ്റു
വൻകരകൾ താണ്ടി പറക്കണം
ഹിമാശൈലങ്ങളിലെ തണുപ്പ് അറിയണം
വസന്തത്തിന്റെ സുഗന്ധം നുകരണം
എന്നിട്ട് പൂക്കൾ നിറഞ്ഞ ഒരു താഴ്വരയിൽ
കിടന്നു മരിക്കണം
എനിക്ക് ഇനി വയ്യ
ഈ ഒറ്റമുറിയിൽ ചുവരിനോട് കഥ പറയാൻ
ഈ തിരക്കിൽ ഒറ്റ  പെട്ട് പോകാൻ
പുകച്ചുരുളുകളിൽ എങ്ങനെ
സ്വയം ഹോമിക്കാൻ 

സത്യത്തിന്റെ പുനർജ്ജന്മം

ഇന്നലകളുടെ നിലപാട് തറകളിൽ
ബലി കഴിച്ച സത്യങ്ങൾ
ഇന്നിന്റെ ശരികൾ ആയി  പുനര്ജനിചിരിക്കുന്നു
ഇനി അവ നാളെയുടെ വഴികാട്ടികൾ ആവും
നാശത്തിന്റെ വഴികാട്ടികൾ