ഓരോ ദിനവും വിരിയുന്നുവെങ്കില്‍ അത്
ഓരോ പകലും കൊഴിയുന്നുവെങ്കില്‍
അത് നിന്നെ കുറിച്ചോര്‍ത്തു മാത്രമാവും
പകലന്തിയോളം പെയ്ത മഴ ആകെ
നിന്റെ ഭാവങ്ങള്‍ ആയിരുന്നു
ഓരോ നോക്കിലും പറയാതെ പോയ
നിന്‍ പരിഭവം മഴയായ് പൊഴിഞ്ഞതാവാം...
ഒരു വരിക്കവിത കൂട്ടിനു തന്നിട്ട്
കൂട്ടില്‍ നിന്നും നീ പറന്നു പോയി
കാത്തിരിക്കാന്‍ മാത്രം പറയാതെ പറഞ്ഞിട്ട്
കാലത്തിനപ്പുറം നീ മാഞ്ഞു പോയി .....
തീരത്തെ പുല്‍കുന്ന തിരമാലയെ പോലെ
ഓരോ തുടിപ്പും നിനക്കുവേണ്ടി
കാലം മായ്ക്കാത്ത മുറിവായ്‌ പോല്‍ നീ
എന്റെ കരളിലെ കൂട്ടില്‍ പിടഞ്ഞിടുമ്പോള്‍
പറയുവാന്‍ കഴിയാത്ത വേദന ഒക്കെയും
കവിതയായ് എന്നും ഇനി വിടരും
എല്ലാം നീയായിരുന്നു പ്രണയവും നിരാശയും
ReplyDeleteകവിത വളരെ ഇഷ്ടമായി നല്ല വരികള്‍
ആശംസകള്‍