സ്വപ്നം പോലെ ഇന്നലെ രാവില്‍
ഓര്‍മ്മകള്‍ ഓടിയണഞ്ഞു
സ്വര്‍ഗം പോലെ സുന്ദരമാം എന്‍
നാടിന്‍ ഓര്‍മകള്‍ വന്നു
അരയാല്‍ തറയും ആമ്പല്‍ കുളവും
ഭംഗി വരുത്തും നാട്
ഓണപ്പാട്ടും തുമ്പപ്പൂവും
ചന്തം ചാര്‍ത്തും നാട്
എന്നിലെ എന്നെ ഞാന്‍ ആയി മാറ്റിയ
നന്മകള്‍ നിറയും നാട്
നാട്ടിലുണ്ട് ആമ്പല്‍ പൂ പോല്‍
നാണം ചൂടും പെണ്ണ്
നാട്ടുപാട്ടിന്‍ വരികള്‍ മൂളും
സുന്ദരിയായൊരു പെണ്ണ്
കാത്തുവച്ച ഓര്‍മയില്‍ ആകെ
പൂത്തു നില്‍ക്കും പെണ്ണ്
കല്‍വിളകിന്‍ തിരികള്‍ കൊളുത്തി
ഒളികണ്ണെറിയും പെണ്ണ്
No comments:
Post a Comment