ഞാൻ എന്നെ അറിയുമ്പോൾ

നിനക്ക് മുൻപും നിനക്ക് ശേഷവും
ഇവിടെ ഒരു മാറ്റവും സംഭവിക്കുന്നില്ല
സൂര്യൻ ഉദിച്ചു അസ്തമിക്കുന്നു
കാറ്റു പൂമണം തേടി അലയുന്നു
പുഴകൾ പഴയ പാട്ട് തന്നെ പാടുന്നു
ഹേ മനുഷ്യ നീ പിന്നെ എന്തിനു അഹങ്കരിക്കുന്നു
ഒരു പൂവ് വാടിവീഴുന്നതും
ഒരില പഴുത്തു വീഴുന്നതും
നിന്റെ മരണവും ഒന്ന് തന്നെയാണ്
കർമബന്ധങ്ങളുടെ വേരറ്റു
മോഹമാം ഹരിതകം മാഞ്ഞു
നാം വെറുതെ ഈ മണ്ണിൽ
അലിഞ്ഞു ഇല്ലാതെയാവുകയല്ലേ???