ദേവി നീ

മഴയെറ്റു കുളിരുന്ന മണ്ണിന് മനസിലേക്ക് 
ഒരു വിത്ത് മുളപൊട്ടി വേരിറങ്ങുന്ന പോൽ 
പുലരിയുടെ ധ്യാനമായ് ഒരു മൊട്ടു 
സൂര്യ കിരണങ്ങളെറ്റു വിരിയുന്ന പോൽ
അറിയുമോ നീ എന്നിൽ മരിക്കുമീ
നിന്നെ മാത്രം മോഹിച്ച ചന്ദ്രനെ
ഹിമബിന്ദുവിൽ വെയിൽ മഴവില്ല് വിരിയിച്ച
പുലരിയുടെ സൗരഭം നിന്നിൽ തിളങ്ങുന്നു
കടലിന്റെ നെറുകയിൽ കണ്ണീരു തൂവുന്ന
സന്ധ്യയുടെ നൊമ്പരം നിന്നിൽ ലയിക്കുന്നു