ഒരു നഷ്ട സ്വപ്നം

പറയൂ നീ എന്നെ ഇഷ്ടമല്ലെന്നെങ്കിലും

ഈ കാത്തിരിപ്പിവിടെ തീർക്കട്ടെ ഞാൻ

അറിയാം എനിക്ക് നിൻ മനസിലെന്താണെന്നു

വെറുതെ വെറുതെ ഉരുകേണ്ട നീ

ഇരുട്ടു നിറഞ്ഞ വഴികളിൽ എവിടെയോ

ഞാൻ കണ്ട സാന്ത്വന വിളക്കാണ് നീ

വീണ്ടും എന്നെ ഇരുട്ടിനു കൊടുത്തിട്ട്

ദൂരേക്ക് മായുവാൻ ശ്രമിക്കുന്നു നീ

ഒന്നും ഒന്നും പറയില്ല ഞാൻ

നിൻ ഇഷ്ടം അതാണെങ്കിൽ പിന്നെ

നിനക്ക് സന്തോഷം കിട്ടുമെങ്കിൽ

ഈ ഇരുട്ടിനെയും എനിക്ക് ഇഷ്ടമാവും