ഓർമകളുടെ രാത്രിമഴ

ഒരിക്കൽ നീയും ഞാനും പ്രണയിച്ചിരുന്നു
അന്ന് നീ നിലാവും
ഞാൻ നിശയും ആയിരുന്നു
പ്രണയ സ്വപ്നങ്ങളിൽ
നീ വസന്തവും
ഞാൻ കാറ്റും ആയിരുന്നു
തമ്മിൽ കാണുന്ന നേരങ്ങളിൽ
നീ തേൻ കിനിയുന്ന പൂവും
ഞാൻ കാർവണ്ടും ആയിരുന്നു

എന്റെ സ്വപ്നങ്ങളിൽ
ഞാൻ സൂര്യ രശ്മിയും
നീ പുലർ മഞ്ഞു തുള്ളിയും ആയിരുന്നു

ഒടുവിലെന്നോ നീ വെളുത്ത പകലും
ഞാൻ ഇരുണ്ട രാത്രിയും ആയി
പ്രാണനിൽ ഒഴുകിയ
നീയെന്ന കനിവിന്റെ നദി
ഒഴുകി ഇല്ലാതായിരിക്കുന്നു
ഇന്നും നീ പെയ്തോഴിയാരുണ്ട്
നിർനിദ്രമായ എന്റെ രാവുകളിൽ
ഓർമകളുടെ രാത്രി മഴയായ്