നിനക്കായ്‌ മാത്രം

പറയാന്‍ മറന്ന വാക്കുകളില്‍ 

എവിടെയോ നിന്നോടുള്ള പ്രണയം 

ഒളിച്ചിരിപ്പുണ്ടായിരുന്നു പക്ഷെ 

നീ ഒരിക്കലും അതിനെ കണ്ടതേയില്ല 

ഓര്‍മകള്‍ക്ക് മുകളില്‍ മറവിയുടെ

മഷി മറഞ്ഞപ്പോള്‍ പോലും 

നിന്റെ പേര് വ്യക്തമായി കാണാമായിരുന്നു 

രാത്രികള്‍ നിന്നെ എന്നും എന്റെ 

സ്വപ്നങ്ങളില്‍ കൊണ്ടുവന്നിരുന്നു 

പക്ഷെ എനിക്കൊരിക്കലും നിന്റെ

സ്വപ്നങ്ങളുടെ പടി കടക്കാന്‍ കഴിഞ്ഞില്ല 

എന്റെ പാട്ടുകളില്‍ നീ എന്നും നിറഞ്ഞിരുന്നു 

പക്ഷെ ആ പാട്ടുകള്‍ ഒരിക്കലും 

നിന്റെ കാതുകളെ തഴുകിയിട്ടില്ല

പറയാതെ പോയ പ്രണയത്തിനും 

അത് അറിയാതെ പോയ നിനക്കും 

മാത്രമായ് ഈ വരികള്‍ കുറിച്ചിടട്ടെ