Wish of a hopeless

നിങ്ങൾ എന്റെ ഉള്ളിലേക്ക് കടന്നു ചെല്ലുക
എന്റെ രക്തത്തിലൂടെ എന്നിൽ പടർന്നു കയറുക
എന്നെ മെല്ലെ ഉറക്കത്തിന്റെ
നിലയില്ലാ കയങ്ങളിലേക്ക് വലിച്ചിടുക
ചുഴികളിൽ പിടഞ്ഞു
ആഴങ്ങളിലെ ഇരുട്ടിൽ എത്തുമ്പോൾ
ഒരുപാട് സ്വപ്നങ്ങളെ സൂക്ഷിച്ച പ്രാണനെ
എന്നിൽ നിന്നും അടർത്തിമാറ്റുക
പ്രാണനില്ലാത്ത ശരീരത്തെ
ജലോപരിതലത്തിൽ അലയാൻ വിടുക
പറിച്ചെടുത്ത പ്രാണനെ
കാലത്തിന്റെ മുഖത്തേക്ക് വലിച്ചെറിയുക
എന്റെ സ്വപ്നം മുഴുവൻ പറിച്ചെടുത്ത
നീതിമാനായ കാലത്തിനു നേരെ
സ്വപ്ന നഷ്ടങ്ങളുടെ  കണക്കു പുസ്തകത്തിലെ
അവസാനത്തെ പേര്
അത് ഞാൻ ആവട്ടെ .........